Pérfil

ISTÓRIA EJISTÉNSIA BIBLIOTEKA UNIVERSIDADE ORIENTAL TIMOR LOROSA'E

 

Ejistensia Biblioteka Universidade Oriental Timor Lorosa'e ho kondisaun agora la ses hosi problemas no obstaklu oi-oin ne'ebe UNITAL atravesa iha tempu tinan barak liu ba. UNITAL la'o ho problemas oi-oin maibe sei la imprede nia visaun no misaun ne'ebe konsagra ona iha statuto FUNATIL. Istória dezenvolvimentu Universidade inisia hosi ensinu superior universidade continental (UNICON) iha tinan 2002 ne'ebe legaliza hosi Ministériu Edukasaun Repúblika Demokrátika ne'ebe lidera hosi Ministru Prof. Dr. Armindo Maia PhD, iha fulan setembru tinan 2002 iha Kampus Pantai Kelapa (Edifisiu Ministeriu Negocios Strangeiros). UNICON ejiste ho dezenvolvimentu fisiku no non-fisiku ne'ebe ita bele dehan katak, la priensi kreterius hanesan instituisaun akademiku ida. Iha tinan 2003, Universidade Continental nakfila ba Universidade Oriental Timor Lorosa'e (UNITAL). kondisaun biblioteka momentu ne'eba mais difisil hodi priense rekezitus minumu nudar ensinu superior ida. Ho espiritu servisu nudar servidor ba nasaun no rai ida ne'e, UNITAL komesa estabele no kria sistema integradu hirak ne'ebe bele suporta, kolabora, ba estabelesimentu sistema edukasional ne'ebe Ministeriu Edukasaun no Ajensia Nasional ba Avaliasaun Akreditasaun Akademiku hato'o. 
Ho estabelesimentu sistema integradu biblioteka iha era teknolojia ida ne'e, Biblioteka Universidade Oriental Timor Lorosa'e iha mudansa no progresu ne'ebe signifikativu iha tinan 2013-2024 tanba iha ona edifisiu rasik no kompletu ho fasilidade sira seluk ne'ebe bele suporta atividade akademiku iha UNITAL. Ho progresu hirak ne'e UNITAL iha total kolesaun hamutuk +5000 titulu no 13310 exemprar, ho nia funsionariu sira ho karakter kualifikadu hodi suporta servisu atendimentu iha administrasaun biblioteka. Iha periodu ida ne'e progresu biblioteka UNITAL la'o di'ak liu ona tanba utiliza ona sistema automatiku hodi jere administrasaun no kapasidade rekursu umanu ne'ebe mais kualifikadu. 

 

 

VIZAUN NO MISAUN

 

VIZAUN:

Hanesan Sentru Informasaun  ne'ebe kompetitivu, modernu, atualizadu, no sai hanesan instalasaun prinsipal hodi tranforma siensia, teknolojia, no arte iha mundu akademiku

 

MISAUN:

  1. Fornese, Jere, atualiza informasaun kona-ba siensia no bibliografia tuir nesesidade kurikulu iha Universidade Oriental (UNITAL)
  2. Fornese servisu material biblioteka hodi elabora kualidade aprendizajen, peskiza no servisu komunitariu iha ambiente UNITAL
  3. Fornese no fasilita sivitas akademiku UNITAL hodi asesu ba sentru informasaun sientifiku tuir siensia no teknolojia informasaun.
  4. Koleta no depozita obra sienifiku sivitas akademiku.

 

OBJETIVU NO FUNSAUN BIBLIOTEKA UNITAL

A. OBJETIVU

     Objetivu realizasaun Biblioteka UNITAL mak fo apoiu hodi suporta, asegura kualidade ensinu superior nomos realizasaun programas liu hosi aspeitu:

  1. Rekolla informasaun no jere sistema informasaun
  2. Apresenta informasaun ne'ebe ligadu ho aktividade akademiku nian
  3. Halo preservasaun ba informasaun
  4. No halo dilvugasaun ba informasaun koba-ba siensia, teknolojia no arte iha ambiente akademiku UNITAL

 

B. FUNSAUN

    Funsaun hosi biblioteka Universidade Oriental Timor Lorosa'e nian mak hanesan tuir mai ne'e:

  1. Hanesan sentru antendimentu no informasaun ba atividades edukasional no pedagojika
  2. Sentru atendimentu ba informasaun kona-ba atividades peskiza sienstifiku
  3. Sentru atendimentu informasaun kona-ba atividades servisu komunitariu